Nokia şirkətinin Azərbaycan və Türkiyə ölkələri üzrə satış direktoru Kaan Dingiloğlunu Türkiyə-Azərbaycan İş Adamları və Sənayeçiləri İctimai Birliyinin İdarə Heyətinin sədr müavini Lokman Biter qəbul edib.

Bakıda işgüzar səfərdə olan Nokia şirkətinin Azərbaycan və Türkiyə ölkələri üzrə satış direktoru Kaan Dingiloğlunu Türkiyə-Azərbaycan İş Adamları və Sənayeçiləri İctimai Birliyinin İdarə Heyətinin sədr müavini Lokman Biter qəbul edib. Görüşdə TÜİB katibliyi və informasiya texnologiyaları sahəsində fəaliyyət göstərən Rabalon MMC-nin icraçı direktoru Ramin İskəndərov iştirak edib. Görüş zamanı TÜİB-in vizyonu və missiyası, həyata keçirilən layihələri barədə geniş məlumat verilib. Kaan Dingiloğlu Azərbaycan və Türkiyə ölkələri üzrə Nokia şirkətinin fəaliyyət istiqaməti, ola biləcək əməkdaşlıqlar barədə ətraflı danışıqlar aparıb. Görüş hər iki tərəf üçün səmərəli keçirilib.