Ahmet Köse
Ahmet Köse
İdarə Heyətinin üzvüAhmet Köse hazırda Türkiyə Texnologiya Komandası Vəqfinin (T3 Vəqfi) Azərbaycan üzrə direktoru,TEKNOFEST Azərbaycan direktoru və ASAN Xidmət nəzdində həyata keçirilən “Bilim Azərbaycan” layihəsinin direktoru olaraq fəaliyyət göstərir. Onun rəhbərliyi dövründə “Bilim Azərbaycan” layihəsi çərçivəsində120.000-dən çox uşağın elm və texnologiya sahəsində təhsil alması təmin edilmiş, ölkədə elmi maariflənmənin artmasına əhəmiyyətli töhfələr verilmişdir. Eyni zamanda, universitet tələbələrinin TEKNOFEST və beynəlxalq texnologiya müsabiqələrində iştirakını təşviq etməklə Azərbaycanın bu sahədə beynəlxalq miqyasda təmsil olunmasına öncülük etmişdir. Kösənin rəhbərliyi ilə Azərbaycandan 4.206 komanda TEKNOFEST-ə müraciət etmiş, bu komandalar dünyanın 100-dən çox ölkəsinin qatıldığı dünyanın ən böyük aviasiya, kosmos və texnologiya festivalı olanTEKNOFEST-də 12 birincilik qazanmışdır. Gənc startapların layihələrini inkişaf etdirərək startap səviyyəsinə çatdırmaları üçün dəstək mexanizmlərinin yaradılmasına töhfə verməklə onların beynəlxalq sahibkarlıq ekosisteminə inteqrasiyasını dəstəkləmişdir.
- Şirkət Adı T3 Vəqfi Azərbaycan
- Vəzifə Direktor
Şirkət Haqqında
Türkiyə Texnologiya Komandası Vəqfinin məqsədi: İstedadlı gənclərin və hər yaş qrupundan insanların texnologiyanın inkişafı proseslərinə cəlb olunmasını təmin etmək; strateji əhəmiyyətinə, yüksək əlavə dəyərinə və ya qlobal rəqabət şərtlərinə görə milli və orijinal şəkildə istehsalı prioritet olan məhsul, sistem və komponentlərin hazırlanmasına yönəlmiş təşəbbüs,elmi-tədqiqat, layihə və fəaliyyətləri həyata keçirmək və dəstəkləmək; istedadlı gəncləri aşkar etmək və onları yetişdirmək; texnologiya sahəsində sahibkarlıq mədəniyyətinin inkişafına və bu sahələrdə aparılacaq elmi tədqiqatlara töhfə verməkdir.