Tək Millət, Tək Ürək

Azərbaycanlı şəhid ailə üzvləri Türkiyə prezidenti ilə görüşüblər.

“Türkiyə-Azərbaycan İş Adamları və Sənayeçiləri” İctimai Birliyinin və “YAŞAT” Fondunun təşkilatçılığı, Azərbaycanın milli aviadaşıyıcısı - “Azərbaycan Hava Yolları”nın tərəfdaşlığı ilə şəhid ailə üzvlərinin Ankaraya səfər edib.

Şəhid ailə üzvləri 30 Avqust - Zəfər Bayramı ilə bağlı Milli Müdafiə Nazirliyi Quru Qoşunları Məktəbinin 175-ci məzuniyyət tədbirində iştirak ediblər.
Tədbirin sonunda Türkiyə Respublikasının Prezidenti Rəcəb Tayyib Ərdoğan azərbaycanlı şəhid ailə üzvləri ilə görüşüb. Bildirib ki, can Azərbaycanla bir və bərabər olduğumuz kimi, türk cümhuriyyətlərindəki bütün qardaşlarımızla da ürəyimiz eyni döyünür.
Sonra şəhid ailə üzvləri Rəcəb Tayyib Ərdoğanın şəxsi dəvəti əsasında Prezident Sarayında təşkil olunan 30 Avqust - Zəfər Bayramı Özəl Konsert proqramında iştirak ediblər.

Həyata keçirilən layihələrimizin məqsədi Azərbaycan və Türkiyə şəhid ailələrini və qaziləri bir araya gətirmək, onlara mənəvi dəstəyimizi göstərməklə qardaşlıq bağlarımızın daha möhkəmləndirilməsidir.
Məqsədimiz layihəni davamlı şəkildə həyata keçirmək, hər iki ölkənin müqəddəs əmanətlərinə diqqət və qayğımızı göstərməkdir.