"Azərbaycan Sığortaçılar Assosiasiyası" İctimai Birliyinin icraçı direktoru TÜİB-də

 20.04.2022-ci il tarixində Azərbaycan Sığortaçılar Assosiasiyası İctimai Birliyinin icraçı direktoru Elmar Mirsalayev TÜİB ofisini ziyarət edib. Görüşdə TÜİB İdarə Heyətinin sədri Hüseyin Büyükfırat və İH-nin üzvü Ramiz Əliyev iştirak edib.

Ziyarət zamanı Elmar Mirsalayev TÜİB rəhbərliyinə  Sığortaçılar Assosiasiyası ictimi birliyinin fəaliyyəti, missiyası və gələcək planları barədə məlumat verib. Görüşdə sığorta sahəsində olan boşluqlar barədə müzakirələr aparılıb. Bundan əlavə Türk Sığortaçılar birliyi ilə imzalanacaq memorandum çərçivəsində Türk Dünyası Sığortaçılar Birliyinin yaradılacağını söyləyərək, may ayında Zirvə toplantısının baş tutacağını bildirib.

TÜİB sədri Hüseyin Büyükfırat qonağı TÜİB-də görməkdən məmnun olduğunu bildirərək, türk iş adamlarının iki qardaş ölkənin iqtisadi inkişafındakı rolu və TÜİB-in sosial layihələri barədə məlumat verib.

Hər iki tərəf TÜİB və ASA əməkdaşlığının  gələcək fəaliyyətləri üçün daha uğurlu  və faydalı olacağını bildirib.

Elmar Mirsalayev səmimi qarşılanma və maraqlı müzakirələrə görə öz təşəkkurünü bildirərək TÜİB-in gələcək fəaliyyətlərində uğurlar diləyib.