Eskişehir Ticaret Odası üzvləri TÜİB ofisini ziyarət ediblər.

Mayın 12-də Eskişehir Ticaret Odasının bir sıra üzvləri Türkiyə və Azərbaycan İş Adamları və Sənayeçilər İctimai Birliyinin İdarə Heyəti Üzvləri ilə görüşüblər. TÜİB İdarə Heyətinin Sədri Ali İhsan Genç qonaqlara Azərbaycan biznes mühitində baş verən yeniliklər və mövcud qanunvericilik barədə məlumatlar verib, investisiya yatırımı imkanlarından danışıb. Görüşün prioritet mövzularından biri də Ələt qəsəbəsində yerləşən Bakı Beynəlxalq Dəniz Ticarət Limanı və azad ticarət zonası tipli xüsusi iqtisadi zonanın yaradılması olub . Qeyd olunub ki, azad ticarət zonalarının yaradılması Azərbaycanın logistika və nəqliyyat mərkəzi kimi mövqeyini gücləndirəcək və nəqliyyat infrastrukturuna ciddi tövhələr verəcək. TÜİB İdarə Heyətinin üzvü, Lider Lojistik şirkətinin təsisçisi Birol Malkoç da ticarət limanı vasitəsi ilə Azərbaycandan digər ökələrə yüklərin daşınması və yaranacaq geniş biznes imkanlarından danışıb.
Eskişehir Ticaret Odası İdarə Heyətinin üzvü Hakan İşık öz növbəsində TÜİB rəhbərliyinə səmimi qarşılanma və verilən ətraflı bilgilər üçün öz təşəkkürünü bildirib. O qeyd edib ki, Azərbaycan və Türkiyə bütün sahələrdə olduğu kimi, biznes sahəsində də strateji müttəfiqidir və hər iki ölkənin iş adamları bu münasibətlərinin inkişaf etdirilməsində maraqlı olmalıdır.

Görüşün sonunda TÜİB İdarə Heyətinin Sədri Ali İhsan Gence xatirə plaketi təqdim olunub, fotolar çəkilib.