Səhiyyə Nazirliyi tender elan edir 

SƏHİYYƏ NAZİRLİYİ AÇIQ TENDERƏ DƏVƏT EDİR:

Tender 1 lot üzrə keçirilir::

lot 1 - Qəbələ Rayon Mərkəzi Xəstəxanasının tikintisi işləri (birinci mərhələ üzrə)

İştirak haqqı

lot 1 - 600 manat 

İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı sənədləri təqdim etməlidirlər:

1. Tenderdə iştirak etmək üçün yazılı müraciət;
2. Tenderdə iştirak haqqının ödənilməsi barədə bank sənədi;
3. Tender təklifi (zərflərin açıldığı tarixdən sonra ən azı 30 bank günü qüvvədə olmalıdır);
4. Tender təklifi dəyərinin 2 % -i həcmində bank təminatı (zərflərin açıldığı tarixdən sonra ən azı 60 bankgünü qüvvədə olmalıdır);
5. Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqandan arayış; 
6. İddiaçının son bir ildəki fəaliyyəti haqqında vergi orqanları tərəfindən təsdiq olunmuş maliyyə hesabatının surəti;
7. İddiaçının son bir ildəki maliyyə vəziyyəti haqqında bank arayışı;
8. İddiaçının tam adı hüquqi statusu, nizamnaməsi qeydiyyatdan keçdiyi ölkə və rekvizitləri;
9. İddiaçılar müvafiq mallar üzrə mənşə və uyğunluq sertifikatları;
10. Digər sənədlər: - tikinti quraşdırma işlərinin həyata keçirilməsi barədə lisenziya; - müəssisənin maddi texniki bazası və kadr potensialı barədə təsdiq edilmiş məlumat; - müəssisənin səhiyyə obyektlərinin tikintisi sahəsində ən azı 3 il olmaqla iş təcrübəsi haqqında təsdiq edən sənədlər; - müəssisənin son 3 ildə tikinti sahəsində maliyyə dövrüyəsi (20,0 milyon manatdan az olmamaq şərti ilə). - tender iştirakçısının cari maliyyə vəziyyətinin yaxşı olduğunu və gələcəkdə davamlı olaraq mənfəətli olduğunu nümayiş etdirən son beş (5) ili əks etdirən və auditdən keçirilmiş balans vərəqələri və ya tender iştirakçısının ölkə qanunu ilə tələb olunmadığı halda Sifarişçini qane edəcək digər maliyyə hesabatları (ən azından tender iştirakçısının ümumi kapitalı ilə ümumi öhdəlikləri arasındakı riyazi fərq müsbət olmalıdır).

Sənədlər Azərbaycan dilində, 2 nüsxədə (əsli və surəti) tərtib olunmalıdır (xarici dildə olan tender təklifləri Azərbaycan dilinə  tərcümə olunmalıdır). 
Tender proseduru «Dövlət satınalmaları haqqında» qanuna uyğun keçiriləcəkdir.

İddiaçılar tenderdə iştirak etmək üçün yuxarıda göstərilən sənədləri (tender təklifi və bank təminatı istisna olmaqla) 2018-03-14 17:00 tarixinə qədər, tender təklifi və bank təminatını isə möhürlənmiş ikiqat zərfdə 2018-03-29 17:00qədər Bakı şəhəri, Nəsimi rayonu, M.Mirqasımov küçəsi 1A ünvanına təqdim etməlidirlər.

Göstərilən vaxtdan gec təqdim olunmuş zərflər açılmadan geri qaytarılacaqdır. 

İddiaçıların təklifləri 2018-03-30 15:00 tarixində Bakı şəhəri, Nəsimi rayonu, M.Mirqasımov küçəsi 1A ünvanında açılacaqdır.

İddiaçıların səlahiyyətli nümayəndələri iştirak edə bilərlər.

TENDER KOMİSSİYASI