TÜİB İdarə Heyəti Əmlak Məsələləri Dövlət Komitəsinin sədri Kərəm Həsənovla görüşüb.

May ayının 5-də baş tutan görüşdə Komitə sədri Kərəm Həsənovla yanaşı, komitənin Beynəlxalq Əməkdaşlıq şöbəsinin rəhbəri Elşad Xanəlibəyli, Strateji Özəlləşdirmənin təşkili və investisiyaların cəlb edilməsi şöbəsinin rəhbəri Yalçın Camalov və sədrin köməkçisi iştirak ediblər.
TÜİB İdarə heyəti isə Sədr Ali İhsan Genç, Üzvlər Birol Oğuz, Birol Malkoç və Osman Gezeker tərəfindən təmsil olunub. Öncəliklə komitə rəhbərinə TÜİB-in yaranması, onun əsas hədəfləri , misyonu barədə məlumatlar verilib. Həmçinin TÜİB-in Əmlak Məsələləri Dövlət komitəsi ilə birgə həyata keçirə biləcəyi lahiyələr, qarşılıqlı əməkdaşlıq məsələləri müzakirə olunub.
Komitə rəhbəri Kərəm Həsəov isə öz növbəsində TÜİB –in yaradılması təşəbbüsünü dəstəklədiklərini bildirib, onun gələcək fəaliyyətlərində hər zaman dəstək olacaqlarını qeyd edib. Görüş zamanı komitə tərəfindən həyata keçirilən özəlləşdirmə prosesi və bu prosesə türk iş adamlarının calb edilməsi də müzakirə olunub. Bildirilib ki, türk iş adamları hər zaman şəffaf özəlləşdirmə prosesində iştirak etməklə, hazır infrastrukturu, avadanlıqları və tikililəri olan dövlət müəssisə və obyektlərinin yeni sahibinə çevrilə bilərlər.
Görüşün sonunda xatirə fotoları çəkilib, komitə rəhbərinə TÜİB-in yenicə nəşrdən çıxan “İş Dünyamız” dərgisi və xatirə plaketi təqdim edilib.