TUİB üzvləri Xocalı qurbanlarının xatirəsini yad ediblər
TUİB üzvləri Xocalı qurbanlarının xatirəsini yad ediblər
Dərc Edildi
27 fevral 2017
Türkiyə və Azərbaycan İş Adamları və Sənayeçilər İctimai Birliyinin (TUİB) nümayəndə heyəti fevralın 26-da erməni cəlladları tərəfindən törədilən Xocalı Soyqırımı qurbanlarının abidəsini ziyarət edib. TUİB üzvləri Xocalı qurbanlarının və şəhidlərin əziz xatirəsini yad edərək onların abidəsi önünə əklil qoyublar.
Ziyarətə TUİB-in idarə heyətinin sədri Əli İhsan Gənc, idarə heyəti sədrinin müavinləri Hüseyn Büyükfırat, Birol Oğuz və digər nümayəndələr qatılıblar.
Xocalı Soyqırımı ermənilərin Azərbaycan və Türk dünyasına qarşı törətdiyi ən böyük vəhşiliklərdən biridir. 1992-ci il fevralın 25-dən 26-a keçən gecə erməni cəlladları aralarında uşaq, qadın və qocalar olan 613 azərbaycanlını misli görünməmiş vəhşiliklə qətlə yetirərək insanlıq tarixində ən ağır cinayətlərdən birini törədiblər. Xocalı qurbanlarının əziz və məsum xatirəsi Azərbaycan xalqı tərəfindən hər zaman yad edilir və heç vaxt yaddan çıxmayacaq.
