Türkiyə və Azərbaycan İş Adamları və Sənayeçilər İctimai Birliyinin (TÜİB) 5-ci dönəm Seçkili Ümumi Yığıncağı
Ana Səhifə
Türkiyə və Azərbaycan İş Adamları və Sənayeçilər İctimai Birliyinin (TÜİB) 5-ci dönəm Seçkili Ümumi Yığıncağı
Türkiyə və Azərbaycan İş Adamları və Sənayeçilər İctimai Birliyinin (TÜİB) 5-ci dönəm Seçkili Ümumi Yığıncağı
Dərc Edildi
14 may 2022
Mayın 14-də Bakıda Türkiyə və Azərbaycan İş Adamları və Sənayeçilər İctimai Birliyinin (TÜİB) 5-ci dönəm Seçkili Ümumi Yığıncağı keçirilib.
Ümumi yığıncaqda Azərbaycan Respublikası və Türkiyə Cümhuriyyətinin dövlət rəsmiləri – Türkiyə Prezidentinin Maliyyə Ofisinin rəhbəri Göksel Aşan, Azərbaycanın İqtisadiyyat nazirinin 1-ci müavini Elnur Əliyev, Azərbaycan Hesablama Palatasının sədri Vüqar Gülməmmədov, Türkiyə və Azərbaycanın Əmək və Sosial müdafiə nazirlərinin müavinləri Ertuğrul Soysal və Anar Əliyev, Kiçik və Orta Biznesin İnkişafı üzrə Dövlət Agentliyinin (KOBİA) rəhbəri Orxan Məmmədov, Azərbaycandakı Türkiyə səfirliyinin nümaynədələri, millət vəkilləri, sahibkarlıq təşkilatlarının – ASK, ATİB, MÜSİAD rəhbərləri, iş adamları, idarəçilər və ictimaiyyətin nümayəndələri iştirak edib.
Açılış nitqi ilə çıxış edən TÜİB sədri Hüseyin Büyükfırat TÜİB-in fəaliyyəti barədə geniş məlumat verib. Çıxış zamanı TÜİB Türkiyə və Azərbaycan arasında biznes və iqtisadi əlaqələrin genişlənməsi, eləcə də Azərbaycana dəstəklə bağlı çoxsaylı ciddi layihələr gerçekləşdirdiyini qeyd edib. Həmçinin bildirib ki, TÜİB sosial məsuliyyət tədbirlərinin təşkilində aktiv şəkildə iştirak edir.
Toplantıda çıxış edən Türkiyə Prezidentinin Maliyyə Ofisinin rəhbəri Göksel Aşan öz çıxışında Türkiyə ilə Azərbaycan arasında münasibətlərin, o cümlədən təhlükəsizlik, sosial sahələrdə əlaqələrin yüksək səviyyədə olduğunu bildirib.
Tədbirdə qonaq olan İqtisadiyyat nazirinin 1-ci müavini Elnur Əliyev Azərbaycan və Türkiyə arasında iqtisadi münasibətlərin yüksək səviyyədə olduğunu və daha da inkişaf etdiyini bildirərək, Türkiyə Azərbaycanın ən çox xarici sərmayə yatırdığı ölkə olduğunu və bu sahədə 1-ci yeri tutduğunu bildirib
TÜİB) ümumi yığıncağında Qurumun rəhbərliyinə – idarə heyətinə və nəzarət təftiş komisyasına seçkilər keçirilib. . Şəffaf və demoktratik şəraitdi keçirilən seçkilərin nəticəsini aşağıda diqqətinizə çatdırırıq.
Hüseyin Büyükfırat(«Buyukfirat Group»)- İH Sədri
Savaş Uzan («Azersun Holding»)- İH üzvü
Lokman Biter («Makro 2000») -İH üzvü
Ender Kavuk («Asfarma»)-İH üzvü
Necmettin Taşbağ («Kartaş MMC»)-İH üzvü
Ümit Hira («Tekfen»)-İH üzvü
Azər Mirzəyev («Məmmədoğulları» QSC)-İH üzvü
Avni Demirci («Alka-And» MMC)-İH üzvü
Əhəd Əsgərov («Optimal Elektronika»)-İH üzvü
Günay Ağayeva («İkra Logistika» MMC)-İH üzvü
Hakan Evsen («Skylife travel»)-İH üzvü
Emrah Uçar («Maqro Construction» MMC AR filialı)-İH üzvü
Selim Akbay -İH üzvü
Mustafa Çelenk («Axsis» MMC)-İH üzvü
Fərid Novruzi («Novco» MMC) -İH üzvü
Nəzarət və Təftiş komissiyasi da formalaşıb. Tamer Tanrıverdi («Tork Çelik Ltd»), Ramiz Əliyev («Türk Amerikan Medikal») və Vüsal Xəlilov («Mobil Group» MMC) komissiyanın üzvləri seçiliblər.
