TÜİB-in yeni idarə heyəti Fəxri və Şəhidlər Xiyabanını ziyarət etdi - FOTOLAR

  Türkiyə və Azərbaycan İş Adamları və Sənayeçilər İctimai Birliyinin (TÜİB) yeni seçilmiş İdarə Heyətinin üzvləri dekabrın 20-də Fəxri Xiyabanı, Şəhdilər Xiyabanını və Türk Şəhidliyini ziyarət ediblər.

  Türkiyə və Azərbaycan İş Adamları və Sənayeçilər İctimai Birliyinin (TÜİB) TÜİB İdarə Heyətinin üzvləri öncə Fəxri Xiyabanda Ümummilli Lider Heydər Əliyevin məzarını ziyarət edərək, öz ehtiramlarını bildiriblər, əklil qoyublar, mərhumun ruhuna dualar oxuyublar.

  Daha sonra görkəmli oftalmoloq, akademik Zərifə Əliyevanın məzarını ziyarət edən iş adamları onun da məzarına əklil qoyaraq, xatirəsini hörmətlə anıblar.

  TÜİB rəhbirliyi Şəhidlər Xiyabanını da ziyarət edərək, Azərbaycanın müstəqilliyi və ərazi bütövlüyü uğrunda şəhid olan soydaşlarımızın məzarlarına əklil və gül dəstələri qoyaraq, şəhidlərimizə Allahdan rəhmət diləyiblər.

  Türk Şəhidliyini də ziyarət edən iş adamları Bakının 100 il əvvəl bolşevik-daşnak işğalından azad olunması üçün canlarından keçən Qafqaz İslam Ordusunun əsgərlərini hörmətlə yad ediblər, onların ruhuna dualar oxuyublar.