Kaşıbeyaz Restoranı TÜİB-ə üzv oldu

Türkiyə-Azərbaycan İş Adamları və Sənayeçiləri İctimai Birliyinin (TÜİB) üzvləri sırasına Kaşıbeyaz Restoranı qoşulub.

Kaşıbeyaz Restoranı Türkiyədə əsası qoyulmuş, Türk mətbəxinin ənənələrini yüksək xidmət standartları ilə birləşdirən tanınmış restoran brendidir. Uzun illər ərzində formalaşan güclü marka dəyəri sayəsində Türkiyə ilə yanaşı Dubay, Qətər və Türkmənistanda da fəaliyyət göstərərək beynəlxalq nüfuz qazanmışdır.

Bakıda fəaliyyət göstərən Kaşıbeyaz Restoranı Azərbaycanda Türk mətbəxini peşəkar şəkildə təmsil etməyi və qonaqlarına yüksək səviyyəli xidmət təqdim etməyi hədəfləyir.

Şirkət beynəlxalq təcrübəyə malik peşəkar heyətlə fəaliyyət göstərməklə yanaşı, yerli əməkdaşların təlimi, beynəlxalq xidmət standartlarının tətbiqi və yeni məşğulluq imkanlarının yaradılması istiqamətində də mühüm fəaliyyət həyata keçirir. Kaşıbeyaz, Azərbaycanda yalnız restoran xidməti göstərməklə kifayətlənməyərək, xidmət keyfiyyətinin yüksəldilməsinə, yerli məşğulluğun inkişafına və ölkə iqtisadiyyatına töhfə verən beynəlxalq investor kimi fəaliyyətini davam etdirir.

TÜİB olaraq Kaşıbeyaz Restoranını üzvlərimiz sırasında görməkdən məmnunluq duyur, gələcək fəaliyyətində uğurlar və yeni əməkdaşlıqlar arzulayırıq.