Kars Ticarət və Sənaye Odasının nümayəndə heyəti TÜİB-də olub
Kars Ticarət və Sənaye Odasının nümayəndə heyəti TÜİB-də olub
Dərc Edildi
29 iyul 2026
Kars Bələdiyyəsinin sədri, Prof. Dr. Ötüken Senger, Kars Ticarət və Sənaye Odasının İdarə Heyətinin sədri Kadir Bozan və üzvlərindən ibarət nümayəndə heyəti Türkiyə-Azərbaycan İş Adamları və Sənayeçiləri İctimai Birliyinin (TÜİB) ofisini ziyarət ediblər.
Görüş zamanı Azərbaycan və Türkiyə arasında iqtisadi və ticari əlaqələrin daha da inkişaf etdirilməsi, işgüzar dairələr arasında əməkdaşlığın genişləndirilməsi, qarşılıqlı investisiya imkanları, birgə layihələrin həyata keçirilməsi və gələcək əməkdaşlıq perspektivləri ətrafında geniş fikir mübadiləsi aparılıb.
Müzakirələr zamanı Bakı–Kars birbaşa aviareysinin əhəmiyyəti də xüsusi vurğulanıb. Qeyd olunub ki, birbaşa uçuşların həyata keçirilməsi iki şəhər arasında işgüzar əlaqələrin, turizm potensialının və iqtisadi əməkdaşlığın daha da inkişafına mühüm töhfə verəcək.
Tərəflər iki qardaş ölkənin iş dünyası arasında əlaqələrin möhkəmləndirilməsinin əhəmiyyətini vurğulayaraq, gələcəkdə birgə təşəbbüslərin və əməkdaşlıq layihələrinin həyata keçirilməsi istiqamətində qarşılıqlı maraqlarını ifadə ediblər.
