Sadələşdirilmiş vergi 2% olacaq, amma… - YENİ TƏLƏB

Azərbaycanın vergi sistemində gələn ildən baş verəcək mühum yeniliklərdən biri sədələşdirilmiş vergi ilə bağlı olacaq. FED.az xəbər verir ki, hökumətin 2019-cu ilin dövlət büdcəsi və büdcə-vergi siyasətinin əsas istiqamətlərinə görə, sadələşdirilmiş verginin dərəcəsinin azaldılması gözlənilir. Eyni zamanda bu vergi ödəyicisi olmaq üçün tələblər də sərtləşəcək. 

Belə ki, ölkə üzrə vahid sadələşdirilmiş vergi dərəcəsi tətbiq ediləcək və bu 2% olacaq. Xatırladaq ki, indiyədək sadələşdirilmiş vergi iki dərəcə ilə tətbiq edilirdi – Bakıda 4%, bölgələrdə 2%. İndi isə bu rəqəm bütün ölkə ərazisində 2% olacaq.
 Əvəzində sadələşdirilmiş vergi ödəyicisi olmaq çətinləşəcək. Plana görə, əlavə dəyər vergisinə cəlb olunan dövriyyənin tədricən genişləndirilməsi nəzərdə tutulur. Bunlar topdansatış ticarət, lisenziya tələb olunan fəaliyyətləri, işçi sayı 3 nəfərdən çox olan istehsal fəaliyyəti və s.-dir. Yəni bu fəaliyyətlərlə məşğul olanlar ƏDV ödəyicisi olacaqlar.

Eləcə də bu sahədə mövcud olan vergi güzəştlərinin azaldılması üçün tədbirlər görüləcək.