TÜİB-in yeni komissiyası fəaliyyətə başladı
TÜİB-in yeni komissiyası fəaliyyətə başladı
Dərc Edildi
30 sentyabr 2025
30 sentyabr tarixində Türkiyə-Azərbaycan İş Adamları və Sənayeçiləri İctimai Birliyinin (TÜİB) nəzdində yaradılmış Vergi, Hüquq və Əmək Münasibətləri Komissiyasının ilk toplantısı keçirildi.
Toplantıda komissiyanın qarşıya qoyduğu əsas məqsədlər və fəaliyyət planı barədə ətraflı məlumat verildi. Qeyd olundu ki, komissiya biznes ictimaiyyətini maraqlandıran hüquqi, vergi və əmək münasibətləri ilə bağlı məsələlərin həllində aktiv iştirak edəcək, üzvlərin təkliflərini toplayaraq təhlil edəcək və beynəlxalq təcrübəyə əsaslanan həll yolları hazırlayaraq aidiyyəti dövlət qurumlarına təqdim edəcək.
Görüş zamanı həmçinin vurğulandı ki, komissiya iş adamlarının qarşılaşdıqları çətinliklərin aradan qaldırılmasına dəstək göstərməklə yanaşı, mütəmadi olaraq dialoq platforması rolunu oynayacaq və biznes mühitinin daha da təkmilləşdirilməsi istiqamətində mühüm addımlar atacaq.
İştirakçıların fəal müzakirələri və fikir mübadiləsi ilə yadda qalan toplantı ümumilikdə səmərəli və məhsuldar keçdi.
.jpeg)
