TÜİB komissiyası toplantılarına başlayır

 Türkiyə və Azərbaycan İş Adamları və Sənayeçilər İctimai Birliyi (TÜİB) fəaliyyətini genişləndirməkdədir. Birliyin 8 dekabr 2018-ci il tarixində keçirilmiş toplantısında TÜİB-in tərkibində fəaliyyət göstərəcək ixtisas komissiyaları yenidən formalaşdırılıb.

 Tədbirdə TÜİB-in sədri Hüseyin Büyükfıratın məlumatından sonra qurumun 2018-ci ildəki fəaliyyəti, həyat keçirdiyi layihələr və əldə olunan nəticələri müzakirə edilib, eləcə də 2019-cu ildə nəzərdə tutulan hədəflər dəqiqləşdirilib.

  Qeyd edilib ki, Türkiyə və Azərbaycan İş Adamları və Sənayeçilər İctimai Birliyi sıralarında daha çox iş adamını birləşdirmək və ölkə iqtisadiyyatının bütün sahələrini əhatə etmək niyyətindədir. 

  Bundan başqa, qurum ölkə iqtisadiyyatı, iqtisadiyyatın ayrı-ayrı sektorları, respublikadakı biznes mühit və yaradılan imkanlarla bağlı müzakirələr keçirmək, iş adamları üçün faydalı olan icmallar hazırlamağı planlaşdırır. Bu məqsədlə TÜİB-in tərkibində fəaliyyət göstərən ixtisas komissiyaları yenidən formalaşdırılıb. 

 Birliin komissiyaları və sədrləri aşağıdakılardır: 

1. İnşaat Komissiyası - Tolga Küçükavşar

2. Sağlıq Komissiyası - Fatih Kargı

3. Sənaye, Ticarət və Lojistik Komissiyası - Necmeddin Taşbağ

4. Turizm və Xidmət Komissiyası - Seyfullah İlyas

5. Kənd Təsərrüfatı Komissiyası - Ali Güngör

6. Bank və Sığorta Komissiyası - Avni Demirci

7. Mədəniyyət, Sənət, Texnoloji və Təhsil Komissiyası - Gülhan Arzu Yüzereroğlu

  Toplantıda bildirilib ki, Türkiyə və Azərbaycan İş Adamları və Sənayeçilər İctimai Birliyi bundan sonra da Azərbaycanın iqtisadi, biznes və ictimai həyatında aktiv iştirak etməkdə davam edəcək.