2025-ci ilin “Konstitusiya və Suverenlik İli” elan edilməsi ilə bağlı tədbirlər planı çərçivəsində Dövlət Miqrasiya Xidməti tərəfindən, TÜİB-in dəstəyi ilə “Əbədilik və Suverenlik” adlı qaçış yarışı təşkil edilib.

2025-ci ilin “Konstitusiya və Suverenlik İli” elan edilməsi ilə bağlı tədbirlər planı çərçivəsində Dövlət Miqrasiya Xidməti tərəfindən, TÜİB-in dəstəyi ilə “Əbədilik və Suverenlik” adlı qaçış yarışı təşkil edilib.

Gənclər və İdman Nazirliyi, Azərbaycan Atletika Federasiyası və Dənizkənarı Bulvar İdarəsinin birgə dəstəyi ilə keçirilib.

Yarışda miqrasiya orqanlarının əməkdaşları, Azərbaycanda miqrasiya proseslərində iştirak edən — ölkəmizdə yaşayan əcnəbilər və onları dəvət edən şəxslər, aidiyyəti dövlət qurumlarının nümayəndələri, xarici ölkələrdə yaşayan vətəndaşlarımız, həmçinin miqrasiya könüllüləri, DMX yanında məşvərət, miqrant və ictimai şuraların üzvləri olmaqla 250-dən yuxarı şəxs iştirak edib.

Yarış sağlam həyat tərzini təşviq etmək, ölkəmizdə yaşayan əcnəbilərin yerli cəmiyyətə inteqrasiyasına dəstək olmaq, həmrəyliyi möhkəmləndirmək və asudə vaxtın səmərəli keçirilməsini təmin etmək məqsədi daşıyır.
İştirakçılar “Dəniz Mall” ticarət mərkəzinin qarşısından Dövlət Bayrağı Meydanına qədər olan 5 kilometrlik dairəvi məsafəni qət ediblər.

Kişilər arasında Əsgərli Bəxtiyar birinci, Abışov Elman ikinci, Hüseynov Seymur isə üçüncü yeri tutublar.
Qadınların mübarizəsində isə ilk üç yeri müvafiq olaraq Belkova Juliya, Xəlilova İrina və Palar Məhsə qazanıblar.

İlk üç yeri tutan iştirakçılar kubok, medal və diplomlarla təltif olunub, qiymətli hədiyyələrlə mükafatlandırılıblar.
Eyni zamanda, yarışın ən yaşlı iştirakçısı — 86 yaşlı Əliyev Tarverdi təşəkkürnamə ilə təltif edilib.

Yarışın təşkilinə göstərdikləri dəstəyə görə TÜİB üzvləri — Makro 2000 Holding və Sistem Reklam MMC-yə təşəkkür edilib.