TÜİB Baku Energy Week və TransLogistica Caspian 2026 sərgilərində təmsil olundu

Azərbaycan Respublikasının Prezidenti cənab İlham Əliyevin iştirakı ilə açılışı həyata keçirilən Baku Energy Week və TransLogistica Caspian sərgiləri 1–3 iyun tarixlərində öz işini uğurla başa vurdu.

TÜİB olaraq bu mötəbər sərgidə iştirak edərək Birliyimizin fəaliyyəti, həyata keçirdiyimiz layihələr və üzvlərimizin təqdim etdiyi imkanlar barədə ziyarətçilərlə məlumat paylaşdıq. Sərgi günləri ərzində çoxsaylı işgüzar görüşlər keçirildi, yeni əlaqələr quruldu və əməkdaşlıq perspektivləri müzakirə olundu.

Bununla yanaşı, sərgilərdə təmsil olunan üzvlərimizin stendlərini ziyarət edərək onların fəaliyyətləri ilə yaxından tanış olduq və qarşılıqlı əməkdaşlığın inkişafı istiqamətində fikir mübadiləsi apardıq.

Qeyd edək ki, sərgilər TÜİB üzvü İteca Caspian tərəfindən yüksək peşəkarlıqla təşkil olunub. Tədbirlər enerji, logistika və əlaqəli sahələrdə fəaliyyət göstərən yerli və xarici şirkətlərin bir araya gələrək təcrübə mübadiləsi aparması və yeni əməkdaşlıqlar qurması üçün mühüm platforma rolunu oynayıb.