“Türkiyə–Azərbaycan İş Dünyasında Yeni Üfüqlər” Səhər Yeməyi keçirilib

“Türkiyə–Azərbaycan İş Dünyasında Yeni Üfüqlər” Səhər Yeməyi keçirilib 

26 oktyabr 2025-ci il tarixində “Türkiyə–Azərbaycan İş Dünyasında Yeni Üfüqlər” adlı səhər yeməyi tədbiri baş tutub. Tədbirin fəxri qonağı Türkiyə Respublikasının Əmək və Sosial Müdafiə nazirinin müavini cənab Ahmet Aydın olub.

Tədbirdə Türkiyə Respublikasının Azərbaycandakı Səfirliyinin Çalışma və Sosial Güvenlik Müşaviri Fatih Bilal Alodalı, Baş Ticarət Müşaviri Nevzat Bozkurt, TÜİB üzvləri və media nümayəndələri iştirak ediblər.

TÜİB İdarə Heyətinin üzvü Salih Tüfekçi Birliyin fəaliyyəti və iki ölkə arasında əməkdaşlıq istiqamətləri barədə təqdimatla çıxış edib.
Eyni zamanda TÜİB-in yeni üzvü olan Abşeron Logistika Mərkəzi barədə məlumat Elməddin Hüseynov tərəfindən təqdim olunub. O, “Biznes Park Abşeron” layihəsi və logistika sahəsində yaradılan imkanlar haqqında danışıb.

Çıxışında cənab Ahmet Aydın bildirib:

“Azərbaycan–Türkiyə münasibətləri strateji və qardaşlıq bağları üzərində qurulub. TÜİB bu münasibətlərin iqtisadi inkişafına mühüm töhfə verir. Azərbaycan Türkiyənin Asiya və Orta Asiyaya, Türkiyə isə Azərbaycanın Qərbə açılan qapısıdır. İki dövlət, bir millət olaraq biz artıq güc mərkəzinə çevrilmişik.”

TÜİB sədri Hüseyin Büyükfırat isə vurğulayıb:

“TÜİB olaraq iki ölkə arasında iqtisadi və mədəni münasibətlərin inkişafına töhfə verməyə davam edirik. Məqsədimiz hər iki ölkənin iqtisadiyyatına həm istehsal, həm də məşğulluq baxımından dəyər qatmaqdır.”

Tədbir səmimi atmosferdə keçib və iş adamları arasında geniş networking imkanı yaradılıb.